Vaşinqtonun narahatlığı...

Bayden administrasiyasının yüksək rütbəli rəsmisinin sözlərinə görə, Ağ Ev Əl Nəhyana xəbərdarlıq edib.

Poliqon xəbər verir ki, bu barədə The Wall Street Journal nəşri məlumat yayıb.

Vaşinqton Şeyx Məhəmməd bin Zayed Əl Nəhyanı xəbərdar edib ki, onlar şeyxin yürütdüyü siyasətədən narazıdırlar və Rusiya və Çinlə yaxın əlaqələrindən narahatdır. Ağ Ev hesab edir ki, bu cür münasibətlər BƏƏ-yə ABŞ-la münasibətlərin pisləşməsi bahasına başa gəlir.

Ağ Evdən BƏƏ rəhbərliyinə birmənalı şəkildə çatdırılıb ki, Moskva və Pekin ilə hərbi məsələlərdə çox yaxın işləmək Vaşinqtonla ünsiyyəti təhlükə altına sala bilər.

WSJ qeyd edir ki, Şeyx Məhəmməd son aylarda ABŞ rəsmiləri ilə Rusiya və Çinlə bağlı daha çox məsləhətləşmələrə başlayıb. Xüsusilə, 2022-ci ilin oktyabrında Rusiyaya səfərindən əvvəl və sonra Zayed Əl Nəhyan ABŞ və BMT nümayəndələri ilə danışıb, daha sonra Ukrayna lideri Vladimir Zelenskiyə zəng edib.

Bununla belə, BƏƏ rəsmiləri son dörd prezident administrasiyasında Vaşinqtonun Əbu-Dabiyə münasibətinin dəyişməsini nəzərə alaraq, Əmirliyin daha müstəqil xarici siyasət formalaşdırdığını deyirlər. Məsələn, qeyd edilir ki, Əl Nəhyan 2015-ci ildə Barak Obamanın ABŞ-a rəhbərlik etdiyi vaxtda Ağ Evin İranla nüvə sazişi bağlamaq səylərini gücləndirməsindən narazıolub.

Poliqon.info