Donaldd Tramp Ukraynadakı münaqişəni Bayden administrasiyasının əsas “nailiyyətlər siyahısına” daxil edib...
ABŞ prezidentliyinə namizəd Donald Tramp Amerikada yüksək inflyasiya və Ukraynadakı hərbi münaqişəni ABŞ-ın hazırkı administrasiyasının “nailiyyətlər siyahısına” daxil edib.
Poliqon xəbər verir ki, belə bir siyahı siyasətçinin “Truth Social” sosial şəbəkəsindəki səhifəsində yerləşdirilib.
Tramp prezident Co Bayden və vitse-prezident Kamala Harrisin “nailiyyətləri” arasında Amerika qoşunlarının Əfqanıstandan çıxarılması, Qəzza zolağında münaqişə, 15 milyon qeyri-qanuni miqrantın ABŞ-a girməsi, cinayətlərin kəskin artması, eləcə də istehlak borcunun rekord dərəcədə artması və benzinin yüksək qiymətini “nailiyyətlər siyahısı”na daxil edib.
Tramp həmçinin Ağ Evin hazırkı administrasiyasını prezident Co Baydenin fiziki və psixi vəziyyəti haqqında yalan danışmaqda və hakimiyyətdən istifadə edərək siyasi rəqiblərinə hücum etməkdə (yəni Trampın özünü həbs etməyə çalışmaqda) ittiham edib.
Poliqon.info