Azərbaycanlı ekofəalların Laçın-Xankəndi yolunda keçirdikləri etiraz aksiyası bu gün saat 18:00-dan müvəqqəti dayandırılır...
“Azərbaycanla yanaşı bütün dünyanın və Ermənistanın gözü bu aksiyaya yönəlmişdi”.
Bunu “Report”un Şuşaya ezam olunmuş əməkdaşına açıqlamasında Qadın Sülh və Təhlükəsizlik Mərkəzinin sədri, Sülh Platformasının üzvü Dilarə Əfəndiyeva deyib.
O, ekofəalların 138 gündür ki, yolda olduğunu və mübarizə apardığını xatırladıb:
“Bu gün səhər Prezidentin Şuşa rayonunda xüsusi nümayəndəsi Aydın Kərimovla görüşümüz oldu. O, bizə aksiyanı dayandırmağı təklif etdi. Biz də aksiyamızı müvəqqəti olaraq dayandırdıq. Bu aksiya böyük diqqət cəlb edib. Azərbaycanla yanaşı bütün dünyanın və Ermənistanın gözü bu aksiyaya yönəlmişdi. Əvvəldən də axıra kimi dayanacağımızı bildirmişdik. Laçın yolunda nəzarət-buraxılış məntəqəsinin qurulması bizim şərtlərimizdən biri idi. Fikirləşirik ki, bundan sonra silahların qanunsuz daşınmasına və insanların Azərbaycan ərazisinə qanunsuz keçməsinə son qoyulacaq”.
Qeyd edək ki, azərbaycanlı ekofəalların Laçın-Xankəndi yolunda keçirdikləri etiraz aksiyası bu gün saat 18:00-dan müvəqqəti dayandırılır.
Poliqon.info
Digərxəbərlər
Populyar xəbərlər
