Suriya və Çin strateji sahələrdə əməkdaşlığı artırır və Dəməşq yaxın aylarda bu əməkdaşlığın nəticələrinin ortaya çıxacağını gözləyir...
Poliqon xəbər verir ki, bunu “RİA Novosti” Agentliyinə müsahibəsində Suriya xarici işlər nazirinin müavini Bassam əs-Sabah deyib.
Nazir müavinin sözlərinə görə, Çin Qərbin yanlış siyasətindən və nəzarətindən əziyyət çəkən ölkələrin, o cümlədən Suriyanın inkişafına sərmayə qoyur.
Əl-Sabbah müsahibəsində Suriyanın türk qoşunlarının öz ərazisində olmasını işğal faktı hesab etdiyini və iki ölkə arasında münasibətlərin normallaşması üçün Türkiyənin hərbi qüvvələrini geri çəkməsinin zəruri olduğunu bildirib.
Qeyd edək ki, 2011-ci ildə Suriyada vətəndaş müharibəsi başlayıb. Əvvəllər Dəməşqlə yaxın münasibətdə olan Türkiyə Suriya prezidenti Bəşər Əsədin əleyhdarlarının tərəfində olub. Rusiya isə əksinə, ölkənin yeganə qanuni hökmdarı kimi Əsədi dəstəkləyib. 2020-ci ilin mart ayından etibarən Suriya Ərəb Respublikasında Moskva və Ankara arasında əldə olunan razılaşmalardan sonra atəşkəs rejimi qüvvədədir.
Poliqon.info
Digərxəbərlər
Populyar xəbərlər
