Saakaşvili: İki dəfədən çox çəki itirməyim, bədənimdə maddələr mübadiləsinin inkişafını təhdid edir…
Poliqon.info xəbər verir ki, Gürcüstanın eks-prezidenti Mixail Saakaşvili Britaniyanın “Sky News” telekanalına müsahibə verib. Müsahibəsində siyasətçi bildirib ki, çəkisi demək olar ki, iki dəfə azalıb. Həkimlərin proqnozlarına görə, daha çox kilo itkisi çoxlu orqan çatışmazlığına səbəb ola bilər. Saakaşvilinin sözlərinə görə, o, daim yataqdadır və özünü çox pis hiss edir.
Telekanal qeyd edib ki, onların əməkdaşına xəstəxanada Saakaşviliyə şəxsən baş çəkməsinə icazə verilməyib, lakin ona vəkil vasitəsilə suallar verilib və o, yazılı cavab verib.
“Əvvəlcə 120 kiloqram idim, indi 64. Çəki 60-dan aşağı olarsa, həkimlər orqanizmimdə maddələr mübadiləsinin çatışmazlığını proqnozlaşdırırlar. Mən həmişə yataqdayam, sümüklərim parçalanır və bu, dözülməz ağrılara səbəb olur”, deyə Saakaşvili bildirib.
Öz növbəsində siyasətçinin vəkili Şalva Xaçapuridze bildirib ki, Gürcüstanın eks-prezidentinin vəziyyəti hər gün daha da pisləşir və indi o, faşist Almaniyasındakı konslagerdəki məhbus kimi görünür.
Poliqon.info