Qətər telekanalı may ayında İsraildə yayımını dayandırıb...
İsrailin telekommunikasiya tənzimləyicisi İsraildə “Əl-Cəzirə” telekanalının yayımına qoyduğu qadağanı daha 45 gün uzadıb.
Poliqon xəbər verir ki, bu barədə Reuters Agentliyi məlumat yayıb. Agentlik xəbər verir ki, bu qərar hökumətin telekanalın yayımlarının təhlükəsizlik riski yaratdığı ilə razılaşdıqdan sonra verilib.
Keçən həftə Təl-Əviv məhkəməsi Əl-Cəzirəyə qoyulan ilkin qadağanı qüvvədə saxladı. Ayrı bir qərarda İsrail Ali Məhkəməsi Qətərin dəstəklədiyi telekanala qarşı tədbiri "presedent" kimi qiymətləndirib.
Qeyd edək ki, “Əl-Cəzirə” telekanalı Qətər hökumətinə məxsusdur. Mayın 5-də bu telekanalın İsraildə yayımı 45 gün müddətinə qadağan edilib. Qərar Knessetin 2024-cü ilin aprelində qəbul etdiyi qanuna uyğun olaraq qəbul edilib. Bu, İsrail hakimiyyətinin fikrincə, milli təhlükəsizliyə zərərli olan istənilən medianın fəaliyyətini dayandırmağa imkan verir.
Mayın 21-də İsrail hakimiyyəti Qəzza zolağından yayımlanan Associated Press-in kamerasını da söndürüb. Amerika mediası “Əl-Cəzirə” telekanalına məlumat ötürməkdə günahlandırılıb. Daha sonra yayımın bərpasına icazə verilib.
Poliqon.info