“Sivil Toplum” Monitorinq Koalisiyası ATƏT nümayəndələri ilə görüşüb

“Sivil Toplum” Monitorinq Koalisiyası ATƏT-in Demokratik Təsisatlar və İnsan Haqları Bürosunun nümayəndələri ilə görüş keçirib...

Poliqon xəbər verir ki, bu gün “Sivil Toplum” Monitorinq Koalisiyasının ofisində Koalisiyanın həmsədrləri A. M. Kərimov (“Müstəqil Hüquq Mərkəzi” İctimai Birliyinin sədri), Q. Ə. İbrahimli (“Demokratik Seçki Mərkəzi” İctimai Birliyinin sədri) və Ə. N. Abbasbəyli (“Cəmiyyətin İnkişаfı Mərkəzi” İctimаi Birliyinin sədri) ilə ATƏT-in Demokratik Təsisatlar və İnsan Haqları Bürosunun (DTİHB) üzunmüddətli müçahidəçiləri Naemi Arcidiacono və Oljas Akanov ilə görüşü keçirilib.

Görüşdə Q. İbrahimli “Sivil Toplum” Monitorinq Koalisiyası haqqında məlumat verib, sonra A. Kərimov 07 fevral 2024-cü il tarixdə keçiriləcək növbədənkənar Azərbaycan Respublikası Prezidenti seçkilərindən, seçki qanunvericliyindən danışıb. Ə. N. Abbasbəyli isə seçki mühiti, seçki prosesinin müşahidəsindən danışııb, ATƏT-in Demokratik Təsisatlar və İnsan Haqları Bürosunun (DTİHB) müşahidə missiyası ilə əməkdaşlığa ümid etdiyini və əməkdaşlığın faydalı olacağına bildirib. Görüşdə fikir mübadiləsi aparılıb, bu prosesdə əməkdaşlıq perspektivləri müzakirə olunub, mövzu ilə bağlı suallar cavablandırılıb. Gələcəkdə əməkdaşlıq və məlumat mübadiləsinin olacağına inam ifadə olunub.