ÇXR-in Tayvanla yenidən birləşməsi bütün Çin xalqının arzusu və Çinin yenidən doğulmasının mahiyyətidir...
Poliqon.info xarici mətbuata əsasən xəbər verir ki, bu barədə Çinin “Sinxua” nəşrinin məlumatında bildirilib. Nəşr xəbər verir ki, bu barədə Çin sədri Si Tsinpin Ümumçin Xalq Nümayəndələri Yığıncağının yekun iclasında deyib.
“Vətənin tam birləşməsinin həyata keçirilməsi bütün Çin xalqının ümumi arzusu və milli dirçəlişin mahiyyətidir. Biz yeni dövrdə Tayvan məsələsinin həlli üçün partiyanın ümumi strategiyasını həyata keçirməli, “Vahid Çin” prinsipinə əməl etməli, xarici qüvvələrin müdaxiləsinə və Tayvanın müstəqilliyi naminə separatçı fəaliyyətə qəti şəkildə müqavimət göstərməliyik”, deyə Çin lideri bildirib.
Qeyd edək ki, Tayvan 1949-cu ildə Çindən müstəqilliyini elan edib. ÇXR ada dövlətinin suverenliyini tanımayıb, buna görə ölkələr arasında münaqişə 70 ilə yaxındır ki. davam edir. Pekinin Tayvana faktiki nəzarət etməməsinə, onu öz ərazisinin bir hissəsi hesab etməsinə baxmayaraq, dünyada yalnız 14 ölkə Taypeyin müstəqilliyini tanıyır.
Poliqon.info
Digərxəbərlər
Populyar xəbərlər
