Demokrat senator Riçard Blumental Nümayəndələr Palatasının Ukrayna, İsrail və Tayvana xarici yardımı ikitərəfli şəkildə təsdiqləməsini alqışlayıb...
Poliqon xəbər verir ki, bu barədə "Amerikanın Səsi" radiostansitasının məlumatında bildirilir.
"Düşünürəm ki, Amerika yenidən hücuma keçdi və bu, bizim milli təhlükəsizliyimiz üçün ikitərəfli bir araya gələ biləcəyimizə və Vladimir Putinə, Si Szinpinə, dünyanın diktatorlarına mesaj göndərə biləcəyimizə işarədir - şampan şərabını açmaq hələ tezdir, Amerika demokratiyanı müdafiə etməyə hazırlaşır", deyə senator bildirib.
Nümayəndələr Palatasının səsverməsini yüksək qiymətləndirən Blumental Amerikanın müttəfiqlərini dəstəkləmək qabiliyyətini itirmədiyini qeyd edib:
"Biz (Amerika) dünya tarixinin ən güclü, ən böyük ölkəsiyik. Bizə lazım olan artilleriya mərmiləri, uzaqmənzilli artilleriya, hücum silahlarını istehsal edə bilərik. Biz həmçinin sanksiyalar tətbiq edə və Ukrayna üçün daha çox resurs təmin etmək üçün Rusiya aktivlərini ələ keçirə bilərik".
Qeyd edək ki, aprelin 20-də ABŞ Konqresinin aşağı palatası Ukraynaya yeni hərbi yardım paketinin verilməsini nəzərdə tutan qanun layihəsini təsdiqləyib. Söhbət Kiyevi dəstəkləmək üçün təxminən 61 milyard dolların ayrılmasından gedir.
Aprelin 23-də ABŞ Senatının sənədə səs verəcəyi gözlənilir. Ölkə parlamentinin yuxarı palatasındakı Demokratlar Partiyasının lideri Çak Şumer deyib ki, o və həmkarları "lazımi addımı" atmağa hazırdırlar.
Öz növbəsində, Ukraynanın xarici işlər naziri Dmitri Kuleba ABŞ-dan Ukraynaya yardım ayırdıqdan sonra bildirib ki, hadisələrin bu cür inkişafı Avropada daha böyük hərbi münaqişənin qarşısını alır.
Poliqon.info
Digərxəbərlər
Populyar xəbərlər
