Rusiya XİN: İrəvan sülh müqaviləsi üzrə görüşdən imtina edib

PİA.az Rusiya mətbuatına istinadən xəbər verir ki, bu gün Rusiyanın xarici işlər naziri Sergey Lavrov və azərbaycanlı həmkarı Ceyhun Bayramov arasında telefon danışığı olub.

Nazirlər Rusiya sülhməramlı kontingentinin məsuliyyət zonasındakı vəziyyəti müzakirə ediblər. Telofon danışığı zamanı Lavrov İrəvanın Azərbaycan və Ermənistan xarici işlər nazirlərinin dekabrın 23-də Moskvada sülh müqaviləsinin hazırlanması məsələsini müzakirə etmək üçün nəzərdə tutulan görüşündə iştirakdan İrəvanın imtina etmək qərarından təəssüfləndiyini bildirib.

Söhbət zamanı “Laçın dəhlizi”nin bağlanması və regionda qızıl yataqlarının işlənməsinə dair tərəflər arasında fikir ayrılıqlarının olması səbəbindən Rusiya sülhməramlı kontingentinin məsuliyyət zonasında gərginləşən vəziyyət müzakirə olunub.

pia.az