Dünya 2023-cü ildə hərbi xərclərə və silahlara son 35 ildəkindən daha çox pul xərcləyib...
Poliqon xəbər verir ki, The New York Times qəzetində dünən dərc olunan müstəqil təhlilə əsasən, buna qismən Ukraynadakı münaqişə və Rusiyadan gələn təhlükə səbəb olub.
Nəşr yazır ki, Stokholm Beynəlxalq Sülh Araşdırmaları İnstitutunun (SIPRI) araşdırması göstərib ki, qlobal hərbi xərclər keçən il 2022-ci illə müqayisədə 6,8% artaraq 2,4 trilyon dollara çatıb.
Asiya və Yaxın Şərqdə artan gərginlik də xərclərin artmasına səbəb olub. Təkcə ABŞ ötən il hərbi sahəyə 916 milyard dollar xərcləyib ki, bu da ümumi məbləğin üçdə birindən çoxdur.
Ən azı 1988-ci ildən bəri qlobal hərbi xərcləri izləyən institutun baş əməkdaşı Nan Tian bildirib ki, hərbi xərclərin görünməmiş artımı sülh və təhlükəsizliyin qlobal şəkildə pisləşməsinə birbaşa cavabdır..
Analitiklər müəyyən ediblər ki, 2023-cü ildə hərbi xərclər və müdafiəyə yalnız yeddi ölkə Ukraynadan daha çox xərcləyib. Onlardan biri Rusiyadır ki, keçən il Rusiyaya müharibəyə 109 milyard dollar xərcləyib. Bu hərbi xərci ilə Rusiya ABŞ və Çindən sonra üçüncü sırada qərar tutub. Nan Tian hesab edir ki, Rusiyanın hərbi xərcləri rublun dəyərindən asılı olaraq bu il 127 milyard dollara yüksələ bilər.
Hər halda, Moskvanın müdafiə investisiyaları ilə bağlı məxfiliyə və dezinformasiyaya baxmayaraq, institut 2023-cü ildə Rusiyanın bütün dövlət xərclərinin təxminən 16%-ni və ya ÜDM-in 5,9%-ni hərbi ehtiyaclara xərclədiyi qənaətinə gəlib. Bu 1991-ci ildə Sovet İttifaqının dağılmasından sonra Rusiyanın hərbi sahəyə yönləndirdiyi rekord xərcdei.
NYT qeyd edir ki, Rusiya-Ukrayna münaqişəsi həmçinin Avropa ölkələrini hərbi xərcləri artırmağa sövq edib. Keçən il hərbi xərclər qitədə təxminən 16% artaraq 588 milyard dollara çatıb. Pulun bir hissəsi Ukraynaya getsə də, Avropa liderləri öz milli müdafiə qüvvələrinə, xüsusən də keçən il hərbi xərclərin 31% artdığı Şərqi Avropaya xərcləri artırıblar.
Poliqon.info