Qərbdə Ukraynaya yardıma dəstək səviyyəsi aşağı düşüb

Qərb ölkələrinin sakinləri Kiyevə hərbi yardımın artırılmasını və anti-Rusiya sanksiyalarının gücləndirilməsini istəmirlər.

Poliqon.info xəbər verir ki, bu, The Economist jurnalının Britaniyanın “YouGov” data analiz şirkəti ilə birgə keçirdiyi sorğu nəticəsində məlum olub.

ABŞ-da Ukraynaya yardım dəstəyi təkcə respublikaçılar arasında deyil, demokratlar arasında da azalıb.

2022-ci ilin aprelində Ukraynaya dəstək respublikaçıların 67%-i, indi isə cəmi 39%-i tərəfindən bəyənilib. Demokratların loyallığı 82%-dən 75%-ə düşüb. Respondentlər əksər hallarda humanitar yardımın, ən azı isə müharibə zonasına ordu göndərilməsinin tərəfdarı olublar.

Avropada da Rusiyaya qarşı sanksiyalara dəstək azalır. Böyük Britaniyada (2022-ci ilin fevralından) 45%-dən 35%-ə, Almaniyada 40%-dən 30%-ə, Fransada 25%-dən 20%-ə qədər bu dəstək azalıb.

Poliqon.info