Qərb bölgəsində güclü külək əsir, elektrik verilişində fasilələr yaranıb - Yenilənib

Güclü külək Şəmkirdə də fəsadlar törədib.

APA-nın yerli bürosunun məlumatına görə, külək rayon mərkəzində və kəndlərdə evlərin dam örtüyünü dağıdıb.

***

Külək Tovuzda fəsadlara yol açıb.

APA-nın yerli bürosunun məlumatına görə, axşam saatlarında başlayan külək Tovuzun Qovlar şəhərində yerləşən beşmərtəbəli Tovuz Dövlət Sosial İqtisadi Kollecinin dam örtüyünü yerə salıb.

Rayon mərkəzində bir neçə iri gövdəli ağac aşıb,rayonda elektrik enerjisinin verilməsi dayanıb.

Güclü külək Qazax və Ağstafada da bir sıra fəsadlar törədib. Qərb bölgəsində küləkli və yağışlı hava şəraiti davam edir.

***

APA-nın yerli bürosunun xəbərinə görə, axşam saatlarında başlayan külək nəticəsində Gəncə şəhərinin bəzi ərazilərində elektrik enerjisinin verilişində fasilə yaranıb.

Qeyd edək ki, Qərb bölgəsini əhatə edən bəzi rayonlarda da elektrik enerjisinin verilişi dayanıb.

Hazırda küləkli hava şəraiti davam edir.

Poliqon.info