Ukrayna Silahlı Qüvvələrinin baş komandanı Valeri Zalujnının istefaya göndərilməsu bir çox hərbçilərin qəzəbinə səbəb ola biləcək addımdır...
Poliqon xəbər verir ki, bu barədə The Times nəşri yazıb.
Nəşr Ukrayna prezidenti Volodimir Zelenskinin Zalujnının qovulacağına, lakin bütövlükdə Ukraynanın qələbəyə yönəlmiş yeni komandaya ehtiyacı olduğuna işarə edərək, bu yaxınlarda verdiyi bəyanatı xatırladır:
"Mən sıfırlama, əvəzetmə haqqında danışıram, bir nəfəri deyil, ölkə rəhbərliyinin istiqamətini maraqlandıran ciddi bir şeyi nəzərdə tuturam".
The Times qeyd edir ki, Zelenski ilə Zalujnı arasındakı fikir ayrılığı noyabr ayında generalın The Economist nəşrinə müharibənin dalana dirəndiyini deməsi ilə aydın olub. Zelenskinin yarım milyon insanı səfərbər etmək istəyinə görə Zalujnı ilə də ziddiyyət təşkil etdiyi güman edilir.
Politoloq Vladimir Fesenko deyir ki, Zalujnının istefası Ukrayna əsgərləri və mülki şəxsləri arasında son dərəcə qeyri-populyar olacaq, lakin heç bir hərbi çevriliş olmayacaq.
"Ukrayna hərbçiləri kifayət qədər intizamlıdır və başa düşürlər ki, müharibə dövründə iğtişaşlar hərbi məğlubiyyətə səbəb ola bilər. Bundan əlavə, bütün hərbi liderlər Zalujnı dəstəkləmir. Amma həm orduda, həm də cəmiyyətdə güclü narazılıq olacaq", deyə politoloq bildirib.
Nəşr onu da qeyd edib ki, Zalujninin işdən çıxarılması onu prezidentliyə namizəd edə bilər:
"Zalujninin siyasi ambisiyaları olduğuna dair heç bir əlamət göstərməsə də, Zelenskinin tənqidçiləri onu prezidentin mümkün əvəzləyicisi kimi görürlər".
Poliqon.info
Digərxəbərlər
Populyar xəbərlər
