Oliqarx Kolomoyskiyə Ukraynada yeni ittihamlar irəli sürülüb...

Poliqon xəbər verir ki, Ukrayna prezident aparatının rəhbərinin müşaviri Sergey Leşşenko Telegram kanalında bildirib. O, iş adamına qarşı yeni ittihamların istintaq təcridxanasında vəkilin iştirakı ilə irəli sürüldüyünü yazıb.

Leşşenkonun sözlərinə görə, Kolomoyski üç maddə üzrə şübhəli bilinir:

pul vəsaitlərinin köçürülməsi üçün sənədlərin saxtalaşdırılmasının təşkilində;

başqasının əmlakının mütəşəkkil dəstə tərəfindən xüsusilə külli miqdarda ələ keçirilməsini təşkil etməkdə;

cinayət yolu ilə əldə edilmiş əmlakın əldə edilməsində və haqqında sərəncam verilməsində.

İstintaqın fikrincə, İqor Kolomoyski cinayətkar qrup təşkil edib və ona rəhbərlik edib. Onların arasında Privatbank-ın Kiyev filialının rəhbəri Sergey Volkov və təşkilatın digər məsul şəxsləri olduğu iddia edilir.

“Kolomoyski və qrupun digər üzvləri “PrivatBank”ın vəsaitlərini ələ keçirməyə yönəlmiş cinayətkar fəaliyyət planı hazırlayıblar. Bu, “Privatbank”ın baş ofisinin kassasına Kolomoyskinin adından nağd pul qoyuluşu görüntüsünün süni şəkildə yaradılması, onun uçotunun aparılması və inkassatorlar tərəfindən mövcud olmayan nağd pulun daşınmasının qeydə alınmasından ibarət olub”, deyə məlumatda bildirilir.

Qeyd edək ki, sentyabrın 7-də Ukrayna Milli Antikorrupsiya Bürosu İqor Kolomoyskini “Privatbank”dan 9,2 milyard qrivna (249 milyon dollar) mənimsəməkdə ittiham edib. İndi İqor Kolomoyski ğlkədən 13,5 milyon dolların qanunsuz çıxarılması işi üzrə istintaq təcridxanasındadır.

Poliqon.info