ABŞ Konqresi BCM-nin İsrailə qarşı təhqiqatına reaksiya verib

ABŞ Konqresinin nümayəndələri Beynəlxalq Cinayət Məhkəməsinə (ICC) xəbərdarlıq ediblər ki, İsrail rəsmilərinə qarşı həbs orderi verilərsə, Vaşinqton cavab tədbirləri görəcək.

Poliqon xəbər verir ki, bu barədə “Axios” portalı öz mənbələrinə istinadən məlumat yayıb.

Qeyd olunur ki, BCM-yə qarşı müvafiq qanun layihəsi hazırlanır. Eyni zamanda, bu məsələdə Respublikaçılar və Demokratlar Partiyasının üzvlərinin İsraillə bağlı mövqeyi üst-üstə düşür.

Bundan əvvəl “Axios” portalınən yaydığı xəbərə görə İsrailin baş naziri Benyamin Netanyahu ABŞ prezidenti Co Baydendən Qəzza zolağında baş verən cinayətlərin araşdırılması çərçivəsində Haaqadakı Beynəlxalq Cinayət Məhkəməsinin yüksək vəzifəli İsrail məmurlarının həbsinə order verilməsinin qarşısını almağa kömək etməyi xahiş edib.

Amerikanın NBC News telekanalındakı mənbələrə görə, BCM bu həftə Qəzza zolağında döyüşlərlə əlaqədar Benyamin Netanyahu və yüksək rütbəli hərbçilərin həbsinə order verə bilər.

Poliqon.info