Dövlət Departamentinin sözçüsü Metyu Miller İraqın fahişəliyə və LGBT əleyhinə qanunlarından dərin narahatlığını ifadə edib...
Poliqon xəbər verir ki, Dövlət Departamentinin sözçüsü bu barədə brifinq zamanı bildirib.
“Birləşmiş Ştatlar İraq Nümayəndələr Şurası tərəfindən konstitusiya ilə qorunan insan hüquqlarını və əsas azadlıqlarını təhdid edən, rəsmi olaraq Anti-Fahişəlik və Homoseksuallıqla Mübarizə Aktı adlanan mövcud qanuna düzəlişin qəbul edilməsindən dərin narahatdır”, deyə Metyu Miller bildirib.
Dövlət Departamentinin rəsmisinin sözlərinə görə, bu düzəliş İraq cəmiyyətində ən çox risk altında olanları təhdid edir.
“Düzəliş söz və ifadə azadlığını məhdudlaşdırmaq və bütün İraqda QHT-lərin fəaliyyətini boğmaq üçün istifadə edilə bilər. Qanunvericilik həmçinin İraqın iqtisadiyyatını diversifikasiya etmək və xarici investisiyaları cəlb etmək imkanlarını zəiflədir. Beynəlxalq biznes koalisiyaları artıq İraqda bu cür ayrı-seçkiliyin ölkənin biznesinə və iqtisadi inkişafına zərər verəcəyini bildiriblər”, deyə Miller vurğulayıb.
Dövlət Departamentinin sözçüsü həmçinin qeyd edib ki, İraqın təhlükəsizliyi, sabitliyi və rifahı üçün insan hüquqlarına hörmət və siyasi və iqtisadi inteqrasiya vacibdir.
“Bu qanunvericilik bu dəyərlərə uyğun gəlmir və hökumətin siyasi və iqtisadi islahat səylərinə zərbə vurur”, deyə Miller əlavə edib.
Poliqon.info