NYT: İsrail və ABŞ ordusu yüksək hazırlıq vəziyyətinə gətirilib...

Poliqon xəbər verir ki, bu barədə aprelin 6-da Amerikanın The New York Times qəzeti məlumat yayıb.

NYT yazır: “ABŞ-ın bölgədəki hərbi qüvvələri yüksək hazırlıq vəziyyətinə gətirilib. İsrail də silahlı qüvvələrini yüksək hazırlıq vəziyyətindədir”.

Bildirilir ki, İsrail komandanlığı hərbi hissələrin buraxılmasını ləğv edib. Bundan əlavə, hərbi rəhbərlik bəzi ehtiyatda olan əsgərləri hava hücumundan müdafiə bölmələrinə qoşulmağa çağırıb. Mənbələr GPS siqnallarının da bloklandığını bildirib. İran hakimiyyəti, iki mənbəyə görə, öz ordusunu da mümkün münaqişəyə hazırlayıb və yüksək döyüş hazırlığı vəziyyətinə salıb.

Qeyd edək ki, daha əvvəl media ABŞ-ın yaxın günlərdə İrandan “əhəmiyyətli” cavab zərbəsinə hazırlaşdığını yazmışdı. Tehranın bu hərəkətləri İranın Suriyadakı konsulluğuna hücuma cavab olacaq.

Xatırladaq ki, İsrail aprelin 1-də Suriyadakı İran səfirliyinə hücum edib. Hücum nəticəsində 11 nəfər, o cümlədən iki SEPAH generalı həlak olub. Tehran hücuma cavab vermək hüququnu özündə saxladığını bildirib.

Poliqon.info