Avropa ölkələri Ukraynaya kömək üçün ABŞ qədər pul ayırmalıdır, əks halda bu, amerikalı vergi ödəyicilərinə qarşı ədalətsizlikdir...
Poliqon xəbər verir ki, bu fikirləri ABŞ-ın keçmiş prezidenti Donald Tramp deyib.
“Avropa Ukraynaya bizdən təxminən 100 milyard dollar az xərcləyib. Hesab edirəm ki, bu, Amerikaya qarşı çox ədalətsizlikdir. Bu, ABŞ-ın vergi ödəyicilərinə qarşı çox ədalətsizlikdir”, deyə Tramp çərşənbə günü “Newsmax” portalına müsahibəsində bildirib. Sabiq prezident jurnalistin prezident seçkilərində qalib gələcəyi təqdirdə Kiyevə ayrılan vəsaiti azaldıb-azalmayacağı ilə bağlı sualını belə şərh edib.
“Avropa ölkələri birləşərək eyni məbləği ödəməlidir”, deyə Tramp əlavə edib və Ukraynadakı vəziyyətin onların təhlükəsizliyi üçün daha vacib olduğunu vurğulayıb.
Martın 8-də Floridadakı malikanəsində Trampla görüşən Macarıstanın Baş naziri Viktor Orban bildirib ki, ABŞ-ın keçmiş prezidenti Ağ Evə qayıdarsa, Ukraynadakı hərbi əməliyyatları maliyyələşdirməyəcək və Avropanın təhlükəsizliyinə vəsait ayırmayacaq.
Poliqon.info