Ermənistanın hakim partiyası Avropa İttifaqına üzvlük məsələsini Armen Qriqoryanla qapalı iclasda müzakirə edəcək...
Poliqon xəbər verir ki, bu barədə Ermənistanın “Joxovurd” qəzeti məlumat yayıb. Nəşr yazır ki, hakim “Mülki müqavilə” parlament fraksiyasının deputatları bu gün Təhlükəsizlik Şurasının katibi Armen Qriqoryanı Milli Assambleyada qapalı iclasa çağırıblar.
“Qeyd edirik ki, hakim fraksiya artıq açıq şəkildə avropapərəst xarici siyasət istiqaməti götürüb, Üstəlik, Milli Assambleyanın spikeri səviyyəsində hakimiyyət Ermənistanın Avropa İttifaqına üzvlüyə namizəd olmağa hazır olduğunu bildirib. İndi Aİ-nin Ermənistanı qəbul etməsi qalır. Bu gün hakim partiyanın deputatları Armen Qriqoryanla bununla bağlı məsələləri müzakirə edəcəklər. Sirr deyil ki, Armen Qriqoryan bu hakimiyyətin ən qərbyönlü simalarından biridir, Ermənistan-Rusiya münasibətləri barədə həmişə sərt danışır”, deyə “Joxovurd” qəzeti yazır.
Qəzetin əldə etdiyi məlumata görə, “Mülki Müqavilə”dən olan deputatlar Ermənistanın Avropa İttifaqına üzvlük üçün müraciətini müzakirə etmək üçün yaxın vaxtlarda xarici işlər naziri Ararat Mirzoyanı parlamentə çağırmağa hazırlaşır”.
Poliqon.info