Polşa XİN: ABŞ Ukraynaya yardım etməsə, Avropa ölkələri nüvə proqramını inkişaf etdirəcək

Poliqon xəbər verir ki, bunu Polşanın xarici işlər naziri Radoslav Sikorski Bloomberg Agentliyinə müsahibəsində bildirib.

2Əgər əlavə yardım göstərilməsə və ABŞ müttəfiqləri məyus olsa, Birləşmiş Ştatların kömək edə bilməyəcəyini başa düşsələr, bu, ABŞ-ın bütün dünya üzrə müttəfiqləri üçün ciddi nəticələrə səbəb olacaq", deyə XİN başçısı qeyd edib.

Onun sözlərinə görə, ölkələr özlərini sığortalamağa başlayacaq, digərləri isə öz nüvə silahı proqramlarını inkişaf etdirmək imkanlarını nəzərdən keçirəcəklər.

Fevralın 13-də ABŞ Senatında Ukrayna, İsrail və Tayvana 95 milyard dollarlıq yardım ayrılmasına dair qanun layihəsi kifayət qədər səs toplayıb. Fevralın 14-də məlum olub ki, ABŞ Konqresinin Nümayəndələr Palatası bunu dəstəkləmək niyyətində deyil.

Parlamentin Aşağı Palatasının spikeri Mayk Conson deyib ki, irəli sürülən qanun layihəsi Amerika sərhədində nəzarəti təmin etmək üçün heç nə etmir. Onun sözlərinə görə, respublikaçıların rəhbərlik etdiyi Nümayəndələr Palatası bu məsələ ilə bağlı təzyiqlərə boyun əyməyəcək.

Poliqon.info