ABŞ Konqresinin Nümayəndələr Palatasındakı respublikaçılar qapalı qapılar arxasında nikbin ehtiyatlı mövqedən çıxış edərək hökumətin bağlanması gözləntilərinə keçiblər...
Poliqon xəbər verir ki, bu barədə ABŞ-ın “Axios” portalı mənbələrə istinadən məlumat yayıb.
Nəşrin mənbələrindən biri bildirib ki, Konqres ya büdcə qanun layihəsi ilə bağlı sövdələşməyə yaxın olsa da, bu razılaşma hər ah dağıla bilər.
“İnsanlar bir neçə gün davam etsə də, ABŞ hökumətinin bağlanacağını proqnozlaşdırırlar”, deyə Respublikaçılar Partiyasından başqa bir adı açıqlanmayan “Axios” mənbəsi bildirib.
Qeyd edək ki, büdcə və ya xərclərin azaldılması martın 1-dək qəbul edilməzsə, hökumətin qismən bağlanması baş verəcək. Əgər büdcə martın 8-nə kimi təsdiqlənməsə, o gündən hökumətin tam fəaliyyəti dayandırılacaq.
Xatırladaq ki, Konqres 2023-cü ilin sentyabr ayının sonundan bəri 2024-cü maliyyə ili üçün büdcə təklifi ilə bağlı razılığa gələ bilmir. Konqresmenlər artıq üç dəfə dövlət qurumlarının müvəqqəti maliyyələşdirilməsi haqqında qanun layihələrini qəbul ediblər. Sonuncu dəfə ABŞ prezidenti Co Bayden hökumətin müvəqqəti maliyyələşdirilməsi ilə bağlı qanunu yanvarın 19-da imzalayıb, bu qanun mart ayına qədər qüvvədədir.
Poliqon.info
Digərxəbərlər
Populyar xəbərlər
