Aİ Ukraynaya yardım paketini Macarıstanın vetosundan yan keçirmək üçün B planı hazırlayıb...
Macarıstanın Baş naziri Viktor Orban Ukraynaya 50 milyard avroluq yardım paketinin buraxılmasına mane olarsa, Aİ ölkələri nümayəndələrin növbəti görüşündə Avropa Sülh Fonduna maliyyənin artırılmasını müdafiə edəcək, həmçinin Brüssel və ABŞ arasında müvəqqəti razılaşma əldə etməyə çalışacaqlar.
Poliqon xəbər verir ki, bu barədə Politico qəzeti diplomatik mənbələrə istinadən məlumat yayıb.
“İdeya, fondun 5 milyard avroluq büdcəsinin mümkün qədər tez artırılmasını təsdiq edib, razılaşdırmaq və Avropadan birgə silah alışına keçməkdir. Bu qərarı tənqid edən Macarıstan Sülh Fondunun yeni alt filialının - silah təchizatı üçün istifadə oluna bilən “Ukraynaya Yardım Fondu”nun yaradılması ilə bağlı mövqeyini yumşaldır”, deyə Politici yazır. Bununla belə, diplomatlar bildiriblər ki, bütün Avropa paytaxtlarının bunu təsdiq etməsi üçün çox iş görülməlidir.
Bundan əvvəl “Euractiv” xəbər vermişdi ki, Avropa İttifaqı ölkələri Ukraynaya silah tədarükü ilə bağlı yeni qaydalar barədə razılığa gələcəklər ki, bu da Aİ-nin yardımını daha sürətli və uzunmüddətli edəcək. Xüsusilə, Avropa istehsalı olan müdafiə avadanlığının birgə alınması ilə bağlı xərclərin ödənilməsi üçün daha sərt qaydaların tətbiqi, həmçinin veto hüququndan yan keçmə üsulunun tətbiqi nəzərdə tutulur.
Poliqon.info