Polşanın İstanbuldakı konsulu Vitold Lesniak ailəsi ilə birlikdə Katolik kilsəsinə silahlıların hücumu zamanı orada olub...
Poliqon xəbər verir ki, bu barədə "Hürriyyət" qəzeti yazıb.
"Kilsəyə hücum zamanı Polşanın İstanbuldakı baş konsulu Vitold Lesnyak ailəsi ilə birlikdə orada olub", deyə nəşr qeyd edir.
Qəzetin yazdığına görə, silahlılar hücum üçün Polşa dövlət nömrə nişanlı EL 738FX olan "Hyundai" markalı avtomobildən istifadə ediblər və kilsəyə gedərkən təhlükəsizlik kameralarına düşüblər. "Dent-R" yazısı avtomobilin kapotunda görünür - bu stomatologiya üçün materialların mərkəzidir. Açıq mənbələrdən alınan məlumatlara əsasən, mərkəz Lodz şəhərində yerləşir.
"Maşın Türkiyəyə bir il əvvəl Polşadan gətirilib, bütün bu müddət ərzində istifadə olunmayıb. Xüsusilə terror aktı üçün gətirilib. Türkiyəyə avtomobil gətirən iki vətəndaşın (bir il əvvəl-red.) iki gün sonra Polşaya qayıtdığı məlum olub", deyə nəşr qeyd edir.
Yanvarın 28-də günorta saatlarında İstanbulun şimalında katolik kilsəsinə iki maskalı şəxsin silahlı hücumu nəticəsində Türkiyə vətəndaşı həlak olub. Media hücuma görə məsuliyyəti İŞİD terror qruplaşmasının üzərinə götürdüyünü yazıb. Həmin gün axşam saatlarında hücumda şübhəli bilinən iki nəfər saxlanılıb. Türkiyə Daxili İşlər Nazirliyinin rəhbəri Əli Yerlikaya bildirib ki, saxlanılanlardan biri Tacikistan, ikincisi isə Rusiya Federasiyası vətəndaşıdır. İstintaq çərçivəsində ümumilikdə 51 nəfər saxlanılıb, onlardan 23-ü Türkiyədən deportasiya olunacaq. Hücum zamanı bir nəfər həlak olub. Tuncer Cihan adlı həmin şəxsin qohumları bildiriblər ki, o, müsəlman olub və kilsəyə maraq üçün gedib.
Poliqon.info