Sumqayıtda 1 ailənin 4 üzvü dəm qazından zəhərlənib,1 nəfər ölüb...
Sumqayıtda dəm qazından ölən və zəhərlənən şəxslərin kimliyi məlum olub.
APA xəbər verir ki, ölən şəxs 1958-ci il təvəllüdlü Sabir Süleyman oğlu Kazımovdur.
Dəm qazından zəhərlənənlər adı isə aşağıdakı kimidir:
Kazımova Müxlisə Hacı qızı (1958);
Kazımova İlahə Əmrah qızı (1999);
Kazımova Aelyna Rahib qızı (2020);
Kazımova Anuro Rahib qızı (2022).
***
Sumqayıt şəhərinin “BTZ” bağları adlanan yaşayış massivində bir ailənin 5 üzvünün dəm qazından zəhərlənməsi barədə daxil olmuş məlumat əsasında Sumqayıt şəhər prokurorluğunda araşdırma aparılır.
Bu barədə Baş Prokurorluğun Mətbuat xidmətindən APA-nın sorğusuna cavab olaraq bildirilib. Qeyd olunub ki, hadisə nəticəsində 1958-ci il təvəllüdlü Kazımov Sabir Süleyman oğlu ölüb.
İkisi azyaşlı olmaqla isə 4 nəfər zəhərlənib. Onlar ilkin tibbi yardım göstərilməsi üçün xəstəxanaya yerləşdirilib, hazırda müalicələri davam etdirilir.
***
Sumqayıt şəhərinin “BTZ” bağları adlanan yaşayış massivində bir ailənin 5 üzvünün zəhərlənməsi barədə Sumqayıt Tibb Mərkəzinin Təcili Təxirəsalınmaz Tibbi Yardım Stansiyasına çağırış daxil olub.
Bu barədə "Report"un yerli bürosuna Sumqayıt Tibb Mərkəzindən bildirilib.
Məlumata görə, onlardan bir nəfərin 1958-ci il təvəllüdlü (kişi cinsli) şəxsin həkiməqədər ölümü qeydə alınıb.
İkisi böyük olmaqla - 1958, 1999-cu il (qadın cinsli) təvəllüdlü şəxslər karbon oksidin (dəm qazının) toksiki təsiri diaqnozu ilə Təcili Tibbi Yardım Xəstəxanasına yerləşdiriliblər. Vəziyyətləri ağır olaraq qiymətləndirilir.
Eyni diaqnozla 2020, 2022-ci il təvəllüdlü azyaşlılar (qadın cinsli) isə Uşaq Xəstəxanasına yerləşdiriliblər. Vəziyyətləri orta ağır qiymətləndirilir.
***
"Report"un yerli bürosu xəbər verir ki, hadisə Ceyranbatan qəsəbəsi BTZ bağları ərazisində baş verib.
Ölən və zəhərlənın şəxlərin şəxsiyyəti dəqiqləşdirilir.
Poliqon.info