Ukrayna prezidenti Vladimir Zelenski Tallinə gəlib və orada prezident Karislə görüşəcək...
Poliqon xəbər verir ki. bu barədə “RİA Novosti” Agentliyi Estoniya prezidenti Alar Karisin ofisinə istinadən məlumat yayıb.
Estoniya mediası qeyd edib ki, Zelenski çərşənbə günü axşam saatlarında Vilnüsdən Tallinə uçub, lakin onun gəlişi cümə axşamı səhər elan edilib. Karisin mətbuat xidmətinin məlumatına görə, Ukrayna prezidenti ölkə rəsmiləri, o cümlədən parlamentin spikeri Lauri Hussar və Baş nazir Kaja Kallas ilə də görüşəcək.
“Zelenski Estoniya parlamentində də çıxış edəcək. Görüşlərdə Rusiya ilə müharibənin gələcəyi, Ukraynaya uzunmüddətli, daimi və effektiv dəstək barədə danışılacaq”, deyə məlumatda bildirilir.
Qeyd edək ki, bir gün əvvəl Zelenski Litvanın prezidenti Gitanas Nauseda, Baş nazir İnqrida Simonyte və Seymin spikeri Viktoriya Cmilyte-Nielsen, eləcə də digər siyasətçilər, jurnalistlər və Ukrayna ictimaiyyətinin nümayəndələri ilə danışıqlar aparmaq üçün Litvanın paytaxtı Vilnüsdə olub.
Litvanın xarici işlər naziri Qabrielius Landsbergis Zelenski ilə görüşə dəvət edilməyib və XİN rəhbəri qeyd edib ki, onun özünün bu qərarla heç bir əlaqəsi yoxdur.
Poliqon.info