Respublikaçıların 49%-i praymerizdə Trampa səs verməyə hazırdır...
Respublikaçıların demək olar ki, yarısı partiyadaxili praymerizlərdə ABŞ-ın keçmiş prezidenti Donald Trampa səs verməyə hazırdır.
Poliqon xəbər verir ki, bu məlumatı Reuters Agentliyi beynəlxalq araşdırma şirkəti “Ipsos”la birgə keçirdiyi sorğunun nəticələrinə əsasən yayıb.
Respublikaçılar Partiyasının tərəfdarlarının 49 faizi Ağ Evin keçmiş rəhbərinə səs vermək niyyətindədir. Respublikaçıların 12 faizi Cənubi Karolinanın keçmiş qubernatoru və ABŞ-ın BMT-dəki keçmiş daimi nümayəndəsi Nikki Heyliyə, 11 faizi isə Florida ştatının hazırkı qubernatoru Ron DeSantisə səs verməyə hazırdır.
Biznesmen Vivek Ramasvamini respondentlərin yalnız dörd faizi dəstəkləyir. Qalan namizədlər iki faizdən az bal toplayıblar. Sorğu iştirakçılarının 18 faizi kimə səs vermək istədiyini bilmir.
Bundan əvvəl prezidentliyə namizəd Nikki Heyli Trampın ABŞ prezident seçkilərində səsvermə bülletenindən kənarda qalmamalı olduğunu bildirmişdi. Heyli əlavə edib ki, Tramp demokratların köməyi olmadan ədalətli şəkildə məğlub edilməlidir və o bunu edə bilər.
Poliqon.info
Digərxəbərlər
Populyar xəbərlər
