İlon Mask narkotikdən istifadə ittihamlarına cavab verib

Poliqon-nun məlumatına görə, iş adamı qeyd edib ki, üç illik təsadüfi testlərdən sonra onun bədənində qadağan olunmuş maddələrin və alkoqolun heç nə izləri aşkar edilməyib.

Bundan əvvəl yayılan məlumata görə, "Tesla" və "SpaceX" direktorlar şuraları hesab edir ki, bu şirkətlərin sahibi İlon Mask narkotik vasitələrdən istifadə edir və bu hal onun aktivlərinin taleyinə təsir edə bilər. Bu barədə "The Wall Street Journal" məlumat yayıb.

Mənbənin sözlərinə görə, şirkətlərdə Maskın mübahisəli fikirlərindən və təxribat xarakterli hərəkətlərindən narahatdırlar. Şirkət sədrləri İlon Maskın narkotik istifadə etdiyini irəli sürüblər, lakin buna dair sübut təqdim etməyiblər.

Bildirilib ki, Maskın qeyri-qanuni maddələrə aludə olması "SpaceX" ilə çoxmilyonluq dövlət müqavilələrini təhlükə altına qoya bilər. Qeyd olunub ki, milyarderin vəkili Aleks Spiro onun mütəmadi olaraq qanında narkotik testlərindən keçdiyinə inandırıb. Vəkilin sözlərinə görə, Maskın qanında heç vaxt narkotik maddə aşkarlanmayıb.

Poliqon.info