Türkiyə Milli Kəşfiyyat Təşkilatı (MİT) və Təhlükəsizlik Baş İdarəsi terror aktına hazırlaşan İŞİD üzvlərini saxlayıb...
Poliqon xəbər verir ki, bu barədə "Yeni Şafak" qəzeti təhlükəsizlik strukturlarındakı mənbələrə istinadən uazıb.
Məlumata görə, MİT və Təhlükəsizlik Baş İdarəsinin keçirdiyi əməliyyat zamanı 32 şübhəli saxlanılıb.
Onlardan 3-nün Türkiyədə sinaqoqlara, kilsələrə və İraq səfirliyinə hücumlar hazırlayan İŞİD terror təşkilatının qondarma liderləri olduğu da qeyd edilir.
Qeyd edilir ki, MİT-in koordinasiyalı fəaliyyəti nəticəsində səhər saatlarında 9 ayrı vilayətdə əməliyyat keçirilib. Əməliyyat nəticəsində təşkilata aid çoxlu sayda rəqəmsal material ələ keçirilib.
Saxlanılan üç İŞİD üzvü terror təşkilatına qoşulma prosesləri, Suriya və Türkiyə daxilində fəaliyyətlər, Türkiyəyə İŞİD adından fəaliyyət göstərən şəxslər və həyata keçirilən fəaliyyətlər barədə ətraflı məlumat verib.
Əməliyyat nəticəsində İŞİD-in Türkiyəyə qarşı fəaliyyət göstərən "Salman-ı Farisi Batalyonu"nun əməliyyatları pozulub.
Daxili işlər naziri Ali Yerlikaya əməliyyatın təfərrüatlarını sosial media hesabında paylaşıb:
"MİT rəhbərliyi ilə Təhlükəsizlik Baş İdarəsi Kəşfiyyat İdarəsi və Terrorla Mübarizə Şöbəsinin koordinasiyasında İŞİD terror təşkilatının Türkiyədə yaratmağa çalışdığı struktura bağlı təşkilat üzvləri "Salman-ı Farisi Batalyonu" müəyyən edilib. Onların İstanbuldakı yəhudi və xristian ibadət evlərində kəşfiyyat apardığı məlum olduqdan sonra İstanbul, Ankara, Balıkesir, Bolu, Düzce, Kırşehir, Konya, Sakarya və Samsunda ümumilikdə 39 adresdə əməliyyat keçirilib".
Poliqon.info
Digərxəbərlər
Populyar xəbərlər
