Avropa Parlamenti Aİ ölkələrini təcili olaraq Fələstini tanımağa çağırıb

Avropa İttifaqına (Aİ) üzv ölkələr Fələstinin statusu ilə bağlı mövqelərinə yenidən baxmalı və onu ayrıca dövlət kimi tanımalıdırlar.

Poliqon xəbər verir ki, bu barədə Avropa Parlamentinin İspaniyadan olan üzvü Ana Mirandanın Aİ Şurasına müraciətində deyilir.

Millət vəkili “Fələstinin Aİ-yə üzv dövlətlər tərəfindən təcili tanınması” müraciəti çərçivəsində üzv ölkələri yeni mövqe tutmağa çağırıb.

“İsrailin Qəzza zolağına təcavüzünün başlanmasından bu yana dekabrın 6-na olan məlumata görə, 15 523 fələstinli həlak olub, 42 000 fələstinli isə yaralanıb”, deyə ispan deputat xatırladıb.

Ana Miranda qeyd edib ki, bu dəhşətli soyqırımı qarşısında və sülh prosesini inkişaf etdirmək üçün Avropa İttifaqı yeni mövqe tutmalı və Fələstin Dövlətini tanımalıdır. Bu günə qədər 27 Aİ üzv dövlətindən yalnız 10-u Fələstini dövlət kimi tanıyıb.

Poliqon.info