Rusiya Ermənistanda ikinci baş konsulluq açacaq

Poliqon xəbər verir ki, bunu “Komsomolskya pravda” nəşrinə açıqlamasında Rusiya xarici işlər nazirinin müavini Yevgeni İvanov deyib.

“Yaxın gələcəkdə Rusiyanın xaricdəki diplomatik mövcudluğunun əhəmiyyətli dərəcədə genişlənməsi olacaq. Burkina-Faso və Ekvatorial Qvineyada səfirliklərin, Kapan (Ermənistan), Aktau (Qazaxıstan), Səmərqənd (Özbəkistan), Denpasar (İndoneziya) və Male (Male) şəhərlərində baş konsulluqların açılması ilə bağlı artıq qərarlar qəbul edilib və qəbul edilən dövlətlərin səlahiyyətli orqanları ilə razılaşdırılıb”, deyə nazir müavini bildirib.

İvanov qeyd edib ki, növbəti illər üçün planlara prezidentin fərmanı ilə təsdiq edilmiş Rusiyanın yeni Xarici Siyasət Konsepsiyasına uyğun olaraq coğrafi regionlarda yerləşən bir sıra dövlətlərdə Moskva üçün əsas olan diplomatik və konsulluq nümayəndəliklərinin açılması daxildir.

Poliqon.info