ABŞ-ın Virciniya ştatından olan senator Bob Qud deyib ki, prezident Co Baydenin sərhəd siyasəti istənilən prezident tərəfindən ölkəyə indiyə qədər qəsdən vurulan ən böyük zərərdir...
Poliqon xəbər verir ki, bu barədə The Hill nəşri məlumat yayıb.
Senator keçmiş prezident Donald Trampın sərhəddə böyük iş gördüyünü bildirib. Bundan əlavə, onun fikrincə, prezidentliyə namizəd və Florida qubernatoru Ron DeSantis də sərhəddə qeyri-qanuni immiqrantların çıxarılması üçün "böyük iş görüb".
"Prezident Bayden tərəfindən asanlaşdırılan hazırkı sərhəd siyasəti böyük "irəliləyiş"ə səbəb olub. Bu, tariximizdə hər hansı bir prezidentin ABŞ-a qəsdən vurduğu ən böyük zərərdir", deyə Bob Qud bildirib.
Bundan əvvəl Cənubi Karolinadan Respublikaçı senator Lindsi Qrem demişdi ki, sərhəd mühafizəsi planı təqdim və təsdiq olunmayana qədər ABŞ-ın heç bir müttəfiqi yardım almayacaq.
Senator iddia edir ki, ABŞ-a nəzarətsiz qeyri-qanuni miqrasiya 2001-ci ildə Nyu-Yorkda baş vermiş irimiqyaslı terror aktına bənzər bir şeyə yenidən imkan verəcək. Eyni zamanda, Qrem bildirib ki, ABŞ-ın dəstəyi olmadan Ukrayna böyük ehtimalla məğlubiyyətlə üzləşəcək. Bununla belə, senatorun fikrincə, daxili problemlər təhlükəsi daha yüksəkdir və buna görə də Ukraynadan öncə sərhəd məsələsi həll olunmalıdır.
Qeyd edək ki, Co Bayden hökuməti Ukrayna, İsrail və Tayvan üçün 106 milyard dollarlıq yardım paketini Senata təqdim edib. Lakin uzun müddətdir ki, respublikaçılarla demokratlar bu məsələdə anlaşa bilmir. 106 milyard dolların təxminən 60 milyardı Ukrayna üçün nəzərdə tutulub. Ötən həftə Pentaqon bildirib ki, Kiyevə yardım üçün iki-üç həftəlik büdcə qalıb.
Poliqon.info
Digərxəbərlər
Populyar xəbərlər
