ABŞ İsrailin yeni əməliyyat planlarından narahatdır

ABŞ prezidenti Co Bayden İsrailin baş naziri Benyamin Netanyahuya Fələstinin HƏMAS hərəkatı ilə barışıq başa çatdıqdan sonra İsrail Müdafiə Qüvvələrinin Qəzza zolağının cənubunda mümkün hərbi əməliyyatdan narahat olduğunu bildirib.

Poliqon xəbər verir ki, bu barədə “Axios” portalı Amerika rəsmilərinə istinadən məlumat yayıb.

Mənbələr bildiriblər ki, Bayden Netanyahuya İsrailin Qəzza zolağının şimalında genişmiqyaslı hücumlar həyata keçirməsi, zirehli və piyada diviziyalarından istifadə etməsinin anklavın cənub hissəsində təkrarlana bilməyəcəyini söyləyib. ABŞ prezidenti bunu milyonlarla insanın Qəzzanın cənubunda səxəşması ilə izah edib.

Amerika lideri vurğulayıb ki, Vaşinqton İsrail tərəfinin Qəzzanın cənubunda istənilən əməliyyat planlarını ABŞ-la ətraflı müzakirə etməsini istəyir və nəşr qeyd edir ki, Netanyahu bununla razılaşıb.

Poliqon.info