ABŞ ATACMS raketinin daha təkmil versiyası hazırlayıb

Poliqon xəbər verir ki, bu barədə silhaın tərtibatçısı “Lockheed Martin” şirkətindən bildirilib. Şirkət qeyd edib ki, qısa məsafələrdə hədəfləri vurmaq PrSM üçün əsas vəzifə olmasa da, sürətlər hipersəs olduğundan bu, ən çətin problemdir.

Amerikanın “Breaking Defence” portalının məlumatına görə, raket 85 km məsafədəki hədəfləri vurmağa qadirdir.

Yüksək sürətinə baxmayaraq, PrSM hipersəs silahı deyil. Raketin Amerika qoşunlarına ilk tədarükü 2023-cü ilin sonuna qədər gözlənilir. Pentaqonun 3986 belə sursat alacağı gözlənilirdi, lakin Ukraynaya ATACMS tədarükündən sonra Vaşinqton sifarişi artırmağı planlaşdırır.

“Breaking Defence”ə görə, “Lockheed Martin” raketin təkmilləşdirilmiş versiyasını - LBASM - “Land-Based Anti-Ship Missile" (quruda yerləşən gəmi əleyhinə raket) yaratmaq niyyətindədir.

İlkin planlara görə, üçüncü versiya daha çox faydalı yük götürə biləcək, uçuş məsafəsi iki dəfə artırılacaq.

“Lockheed Martin” əmin edir ki, onların yeni raketi çoxdomenli döyüş əməliyyatlarını xeyli sadələşdirə biləcək - missiyaların yerinə yetirilməsi üçün təkcə quru qoşunları deyil, qırıcılar da iştirak edəcək. Xüsusilə, PrSM ilə təchiz edilmiş komplekslər düşmənin hava hücumundan müdafiə sistemlərinə zərbə endirərək, yerdən təyyarələri əhatə edə biləcək.

Ötən həftə məlum olub ki, “Lockheed Martin” korporasiyası ABŞ ordusu ilə birlikdə PrSM perspektivli operativ-taktiki raketini sınaqdan keçirib.

Poliqon.info