Yaxın Şərqdəki münaqişə həll olunmasa, bu, insanların Avropaya kütləvi hərəkətinə səbəb ola və terror riskini artıra bilər...
Poliqon xəbər verir ki, bunu Avropa İttifaqı diplomatiyasının rəhbəri Cozep Borrell deyib.
“Təkcə humanitar, ədalətli və ya əxlaqi səbəblərə görə deyil, həm də ona görə ki, əgər biz bunu indi həll etməsək, bu, insanların Avropaya köçünə səbəb ola, terrorizm riskini və kommunal gərginliyi gücləndirə bilər”, deyə Borrell İngiltərənin Financial Times qəzeti üçün hazırladığı Fələstin-İsrail münaqişəsinə həsr olunmuş məqaləsində yazır.
Qeyd edək ki, oktyabrın 7-də HƏMAS "Əl-Əqsa tufanı" əməliyyatına başladığını elan etdikdən sonra minlərlə yaraqlının Qəzza zolağından İsrailə sızmasından sonra Yaxın Şərqdə vəziyyət gərginləşib. Buna cavab olaraq İsrailin baş naziri Benyamin Netanyahu ölkənin müharibə vəziyyətində olduğunu açıqlayıb.
İsrailin “Dəmir Qılınclar” əməliyyatının cavab məqsədi hücumu dəf etmək, xaricilər də daxil olmaqla 200-dən çox girovu azad etmək və HƏMAS-ı məhv etmək olub. Bu məqsədə çatmaq üçün İsrail əməliyyatın ilk günündən Qəzza zolağına kütləvi raket hücumları həyata keçirib.
Eyni zamanda, İsrail Milli Təhlükəsizlik Şurası sektora su, ərzaq, mal, elektrik və yanacaq tədarükünün dayandırılmasına qərar verib. Qəzzaya humanitar yardımların çatdırılması yalnız oktyabrın 20-dən sonra Rəfah keçid məntəqəsi vasitəsilə həyata keçirilməyə başlayıb və onların həcmi qeyri-kafi adlandırılıb.
Poliqon.info