Türkiyə İsveçin NATO-ya üzvlüyünü hələ ki, təsdiq etməyəcək...

Türkiyə rəsmiləri Alyans ölkələrinin xarici işlər nazirlərinin noyabrın 28-29-da Brüsseldə keçiriləcək iclasından əvvəl İsveç üzvlüklə bağlı müraciəti ratifikasiya edə bilməyəcəkləri barədə NATO-ya məlumat veriblər.

Poliqon xəbər verir ki, bu barədə Reuters Agentliyi məlumat yayıb. Agentliyin mənbəsinin sözlərinə görə, Türkiyə Parlamentinin Xarici Əlaqələr Komitəsi ratifikasiya məsələsi ilə bağlı müzakirələri noyabrın 28-də və ya 29-da bərpa edə bilər. Qeyd edilir ki, NATO-nun bəzi nümayəndələri xarici işlər nazirlərinin görüşündə İsveçin artıq Alyansa üzv ola biləcəyinə ümid edirdilər.

Qeyd edək ki, bundan əvvəl mətbuatda Türkiyə parlamentinin Xarici Əlaqələr Komissiyasının İsveçin NATO-ya qəbulu ilə bağlı protokolun müzakirəsini qeyri-müəyyən müddətə təxirə saldığı barədə məlumat yayılıb.

Media NATO-nun baş katibi Yens Stoltenberqin alyansın bütün üzv dövlətlərinə göndərdiyi məktubu dərc edib. Həmin məktubda ildirilib ki, İsveç NATO üzvü olan ölkələrin xarici işlər nazirlərinin noyabrın 28-29-da keçiriləcək iclasından gec olmayaraq bloka qoşulmalıdır.

Poliqon.info