Girovların azad edilməsi ilə bağlı danışıqlar çətin keçir

Qətər xarici işlər naziri Məhəmməd bin Əbdüləziz əl-Xuleyfi bildirib ki, HƏMAS-ın Qəzza zolağında saxladığı girovların azad edilməsi üçün çox çətin danışıqlar aparır.

Poliqon xəbər verir ki, bu barədə n Əbdüləziz əl-Xuleyfi Sky News telekanalına müsahibəsində bildirib. Nazir qeyd edib ki, artıq Qətər və Misirin vasitəçiliyi ilə 4 girov azad edilib.

“Biz çox, çox çətin danışıqlar aparırırq. Eyni zamanda zorakılıq hər gün artır və bombardman hər gün davam edir və bizim vəzifəmiz daha da çətinləşir”, deyə Xuleyfi Sky News -a müsahibəsində bildirib.

Qətər Xarici İşlər Nazirliyinin rəhbəri İsrailin Qəzzada quru əməliyyatına başlayacağı təqdirdə vəziyyətin daha da mürəkkəbləşəcəyi ilə bağlı suala belə cavab verib: “Hər hansı bir gərginlik işimizi daha da çətinləşdirəcək”.

İsrail ilə Fələstinin Həmas hərəkatı arasında müharibə oktyabrın 7-dən davam edir. İsrail Müdafiə Qüvvələrinin məlumatına görə, Qəzza zolağında 224 girov var. Rəsmilər bildiriblər ki, ABŞ, İsrail və Qətər arasında 50-dən çox girovla bağlı HƏMAS-la aparılan danışıqlar nəticəsiz qalıb.

Dünən, oktyabrın 26-da Həmas Siyasi Bürosunun üzvü Əbu Mərzuk Moskvaya səfər edib və rus diplomatları ilə danışıqlar aparıb. İsrail Xarici İşlər Nazirliyi onun səfərini pisləyib.

Poliqin.info