ABŞ prezidenti Co Bayden Yaxın Şərqdəki Amerika bazalarına hücumlara görə İran rəhbərliyinə zərbə endirməyə inandırılır, lakin o, hələ də tərəddüd edir...
Poliqon xəbər verir ki, bu barədə Washington Post qəzetinin məlumatında bildirilir. Nəşr yazır ki, son günlər ABŞ Suriya və İraqdakı bazalarına hücumlarla üzləşib və Vaşinqtonun fikrincə, İranın dəstəklədiyi hərəkatlar bunu həyata keçirir.
WP-nin məlumatına görə, bu hücumlar zamanı 24 amerikalı hərbçi yaralanıb. Buna görə də Baydenə İranı vurmaq üçün təzyiqlər artıb.
Qeyd edək ki, Bayden bir gün əvvəl o, İran rəhbərliyinə xəbərdarlıq etmişdi ki, Amerika bazalarına hücumlar davam edərsə, cavab veriləcək.
Nəşrin yazdığına görə, təzyiqlər ilk növbədə regionda Amerika qüvvələrinin genişləndirilməsini tələb edən respublikaçılar tərəfindən edilir. Onlara təqaüddə olan general Cozef Votel də qoşulub və o, Birləşmiş Ştatların ordusuna zərbələr endirməsini normaya çevirdiyini deyib.
Xatırladaq ki, ABŞ Dövlət Katibi Entoni Blinken də İranın hücumuna məruz qalacağı təqdirdə ABŞ-ın “sərt” cavab verəcəyi barədə xəbərdarlıq etmişdi. Lakin o qeyd edib ki, Vaşinqton Tehranla münaqişəyə can atmır.
Poliqon.info