Ukraynanın xarici işlər naziri Dmitri Kuleba hesab edir ki, onun 12 yaşlı qızı hələ təhsil alarkən Ukrayna Şimali Atlantika Alyansının bir hissəsi ola bilər...
Poliqon xəbər verir ki, nazir bu barədə “Forbes” nəşrinə müsahibəsində bildirib.
Dmitri Kuleba qeyd edib ki, Avropa İttifaqına daxil olmaq üzrə danışıqlara keçidi 2023-cü ilin sonuna qədər gözləyir.
“Düşünürəm ki, Ukrayna NATO-ya daxil olarkən qızım hələ də təhsil alacaq”, deyən Dmitri Kuleba jurnalistlərin Ukrayna NATO-ya üzv olanda 12 yaşlı övladının hələ məktəbdə, yoxsa artıq universitetdə oxuyacağı ilə bağlı sualını cavablandırarkən bildirib.
Nazir əlavə edib ki, Avropaya inteqrasiya ilə bağlı o, Ali Radanın Avropa İttifaqına üzvlük prosesini irəli aparmaq üçün bütün zəruri qanun layihələrini qəbul edə biləcəyinə inanır. Dmitri Kuleba vurğulayıb ki, bu məsələlər üzrə səsvermə ukraynalı deputatlar üçün vətənpərvərlik sınağı olacaq.
“Ali Radanın sədri Ruslan Stefançuk bu prosesə Ukrayna parlamentarizminin rifləri ilə rəhbərlik edir. Əgər fors-major hal baş verməsə və yeni tələblər, tövsiyələr və ya alt-tövsiyyələr irəli sürülməsə, düşünürəm ki, biz bu ilin sonuna qədər Aİ-yə daxil olmaq üzrə danışıqlara başlayacağıq”, deyə Ukrayna XİN rəhbəri bildirib.
Poliqon.info
Digərxəbərlər
Populyar xəbərlər
