Ukrayna Təhlükəsizlik Xidməti (SBU) Nikolayev vilayətində genişmiqyaslı xüsusi əməliyyat keçirib, nəticədə 13 yerli sakinin daxil olduğu daha bir rus agentura şəbəkəsini zərərsizləşdirib...
Poliqon xəbər verir ki, bu barədə Ukrayna Təhlükəsizlik Xidməti məlumat yayıb.
Məlumatda bildirilir ki, həbs olunanlar cənub bölgəsi ərazisində Müdafiə Qüvvələrinin bazalarının və hərəkətlərinin yerləri barədə kəşfiyyat məlumatları toplayıblar. Həmçinin vilayət mərkəzinin yaşayış və sosial infrastrukturuna hava hücumlarını düzəldiblər.
Məhz onların rəhbərliyi altında ruslar 2022-ci ilin payızında S-300 zenit-raket kompleksi ilə Nikolayevdə çoxmərtəbəli binanı vurub. Həmin vaxt biri azyaşlı uşaq olmaqla 7 mülki şəxs həlak olub.
Müəyyən edilib ki, rusiyalı informatorlar Ukrayna obyektlərinin koordinatlarını əlaqə vasitəsilə FTX-yə ötürüblər. Onun kremlpərəst bloger Serhey Lebedev olduğu üzə çıxıb.
Mövcud məlumatlara görə, Lebedev Rusiya xüsusi xidmətində “RİA-Novosti” xəbər agentliyinin “ştatdankənar müxbiri” kimi çalışır və müvəqqəti olaraq işğal olunmuş Donetskdə gizlənir.
Bu ilin iyun ayında SBU onu Ukraynaya qarşı kəşfiyyat və təxribat fəaliyyətinə görə ifşa edib, dövlətə xəyanət və müharibə qanunlarını pozmaqda günahlandırıb.
Onun fəaliyyətinin araşdırılması zamanı müəyyən edilib ki, o, FTX-nin göstərişi ilə Nikolayev vilayətinin ərazisində uzaqdan öz qrupunu yaradıb.
Buraya onun telegram kanalının 13 yerli abunəçisi daxildir. Məhz bu internet resursu vasitəsilə həmin şəxs öz agentlərini işə götürüb və sonra onlardan kəşfiyyat məlumatı alıb.
Keçirilmiş əməliyyat tədbirləri nəticəsində SBU əməkdaşları qrupun bütün üzvlərini müəyyən edərək müxtəlif yerlərdə saxlayıblar.
Toplanmış sübutlar əsasında Təhlükəsizlik Xidmətinin müstəntiqləri saxlanılan 9 nəfərə Ukrayna Cinayət Məcəlləsinin 114-2-ci (silahların, silah-sursatın və hərbi təchizatın Ukraynaya ötürülməsi, təhvil verilməsi, Silahlı Qüvvələrin hərəkəti, köçürülməsi və ya yerləşdirilməsi haqqında məlumatın icazəsiz yayılması) maddəsiə cinayət işi amıblar. Təqsirləndirilən şəxslər hazırda həbsdədir. Onlarla bağlı araşdırmalar davam etdirilir.
Poliqon.info