İran təhlükəsizlik qüvvələri bir il əvvəl həbsdə ölməsi rejimə qarşı kütləvi etirazlara səbəb olan 22 yaşlı Məhsa Əminin ölümünün birinci ildönümündə 260-dan çox adamı saxlayıb...
Poliqon xəbər verir ki, bu barədə Almaniyanın DW telekanalı məlumat yayıb.
“Saxlanma sentyabrın 16-da həyata keçirilib. Təhlükəsizlik orqanları onları ictimai təhlükəsizliyin pozulması, etiraz aksiyalarının təşkili və ya silah saxlamaqla əsaslandırıblar”, deyə məlumatda bildirilir.
Qeyd olunur ki, bir gün əvvəl hakimiyyət yeni etirazların qarşısını almaq üçün ciddi təhlükəsizlik tədbirləri görüb. Xüsusilə, hüquq müdafiəçilərinin bildirdiyinə görə, İranın qərbində yerləşən Səqqez şəhərində Əmini ailəsinin evinin yaxınlığında çoxlu sayda polis məmuru yerləşdirilib.
Məhsa Əminin atası Əmcəd Əmini sentyabrın 16-da axşam saatlarında qızının xatirəsinə matəm tədbirinin keçiriləcəyini açıqlayıb. Mühacirətdə olan İran mediasının məlumatına görə, daha sonra həmin şəxs polisə çağırılıb və xəbərdarlıq edilib, lakin sonra sərbəst buraxılıb.
Qeyd edək ki, İranın əxlaq polisi Məhsa Əmini 2022-ci il sentyabrın 13-də Tehranda hicab taxma qaydalarına əməl etmədiyi üçün saxlayıb. Üç gündən sonra qızın ölümü ilə bağlı xəbər yayılıb. Bundan sonra İranı genişmiqyaslı etiraz dalğası bürüyüb.
Poliqon.info
Digərxəbərlər
Populyar xəbərlər
