İsrail Xarici Kəşfiyyat Təşkilatının (Mossad) rəhbəri David Barnea dünyada israilli və yəhudilərə qarşı İranın arxasında dayandığı 27 hücumun qarşısını aldıqlarını açıqlayıb...
Poliqon xəbətr verir ki, Mossad rəhbəri Rusiyanın İrana qabaqcıl silahlar verməsindən narahat olduqlarını və “bunun onların mövcudluğunun sonunu gətirməsindən narahat olduqlarını” bildirib.
“İran Ukrayna hücumunda istifadə etmək üçün Rusiyaya qısa və uzun mənzilli raketlər, pilotsuz uçuş aparatları (PUA) satmağa çalışdı, lakin bunun qarşısını aldıq”, deyə Barnea bildirib.
Tehranın gələcəkdə başqa silahlar da satmaq niyyətində olduğunu və bunun qarşısını alacaqlarını bildirən Barnea "Qorxumuz odur ki, ruslar bunun müqabilində iranlılara qabaqcıl silahlar verəcəklər. Bu, bizim sülh və hətta burada mövcudluğumuzu təhlükəyə ata bilər", deyib.
Mossad rəhbəri bildirib ki, onun təşkilatı və beynəlxalq tərəfdaşları İranın dəstəklədiyi İsrail və yəhudiləri hədəf alan 27 hücumun qarşısını alıblar.
“İranın cavabını vermək vaxtıdır”, deyən Barnea İranı hədələyib və bildirib ki, bu cavab yerlərdəki işbirlikçilərindən İranın dərinliklərində və hətta Tehranda ən yüksək rütbələrə qədər əhatə edə bilər.
Poliqon.info