Podolyak: Papa Rusiya ilə danışıqlarda vasitəçi ola bilməz...

Poliqon xəbər verir ki, Ukrayna rəsmsi Papanın rusiyayönlü mövqe tutduğunu deyib.

Podolyak qeyd edib ki, Polşanın “Wprost” jurnalının cizgi filmində Roma Papası Fransiskin rus tankının şassisi olan avtomobildə Z hərfi ilə təsviri katolik dünyasının Müqəddəs Taxt-Tacın bəyanatlarına münasibətini açıq şəkildə göstərir.

“Birincisi, əlbəttə ki, tamamilə şüursuz hərəkətdir, lakin Müqəddəs Taxtın nüfuzunu sıfıra endirir. İkincisi, Vatikanın yerinə yetirə biləcəyi hər hansı vasitəçilik missiyasının tamamilə ləğv edilməsidir. Papa adlı vasitəçi hər kəs üçün tamamilə aydın olan Rusiyayönümlü mövqe tutsa, ondan danışmağın mənası yoxdur”, deyə Mixail Podolyak “Ukrayna 24” telekanalına bildirib.

Avqustun 25-də Katolik gənclərinin Ümumrusiya toplantısında videobağlantı vasitəsilə çıxış edən Roma Papası Fransisk bu sözləri demişdi: "Unutmayın ki, siz böyük ana Rusiyanın, böyük ölkənin, onun tarixinin, müqəddəslərinin, böyük mədəniyyət xadimlərinin varislərisiniz. Siz böyük Rusiyanın varislərisiniz, buna görə də təşəkkür edirəm, rus olmağı bildiyiniz üçün təşəkkür edirəm. Bu irsi qoruyun, qayğısına qalın, sağ olun”. O, çıxışında I Pyotrun və II Yekaterinanın da adını çəkib.

Buna cavab olaraq Ukrayna Xarici İşlər Nazirliyi Papanı “imperialist təbliğatı” yaratmaqda ittiham edib. Mixail Podolyak Papanı “Rus təbliğatının aləti” adlandırıb. Vatikanın sözçüsü bildib ki, Fransisk rus imperializmini deyil, rus mədəniyyətini nəzərdə tutur. Daha sonra Papa da rus mədəniyyətindən danışdığını qeyd edib.

Poliqon.info