Sentyabrın 29-dək Baydenin oğluna qarşı ittiham irəli sürüləcək...

Poliqon xəbər verir ki. bu barədə Bloomberg Agentliyi məlumat yayıb. Qeyd edək ki, Baydenin oğluna qarşı vergidən yayınma və qanunsuz olaraq tapança almaqla bağlı cinayət işi açılıb.

Devid Vays Delaver ştatındakı federal məhkəməyə bildirib ki, o, sentyabrın 29-dək ittiham aktını təmin etməyi planlaşdırır. Eyni zamanda vəkil Ebbi Louell bildirib ki, prokuror əlavə ittiham irəli sürə bilməz.

Hanter Bayden 2017 və 2018-ci illərdə 1,5 milyon dollardan çox gəlirdən 100 min dollardan çox vergidən yayınmaqda, narkotik vasitələrdən istifadə edərkən qanunsuz olaraq odlu silah saxlamaqda ittiham olunur. Əvvəlcə o, vergidən yayınmada günahını etiraf etməyə hazır idi və bununla bağlı prokurorla anlaşma protokolu imzamaq istəyirdi.

Məhkəməyə qədərki razılaşmanın bir hissəsi olaraq, silah saxlama ittihamlarının bəzilərinin işdən çıxarılacağı və Amerika prezidentinin oğlunun şərti cəza alacağı güman edilirdi. Ancaq məhkəmə Hanter Baydenin istintaqla razılaşmasını rədd etdi.

Poliqon.info