“Pegasus Airlines” şirkəti ilə 2 uçaq dəyişməklə Bakıya çatdıq, vətəndəyik. Biznes strukturlarının (özəl şirkətlərin, dövlətin əlində olan şirkətlərin yox) qiymət siyasətini az tənqid edirəm, çünki özəl sektor normalda rəqabətli şəkildə çalışmalıdır ki, qiyməti bazar tənzimləsin, dövlətin də borcu o rəqabətli mühiti yaratmaqdır, amma bu dəfə “Pegasus” lap ağını çıxartdı, sərnişinlərə adi su belə vermirlər, uçaqda 0,33 litr suyu 2 avroya satırlar, qiyməti də keçdim, su qaynar idi, içiləsi deyildi.
Pravda.az-ın xəbərinə görə, bunu ekspert Natiq Cəfərli bildirib.
"AZAL-ı, BUTA-nı çox tənqid etmişəm, haqlıyam da, dövlət şirkətlərinin borcu şəffaf olmaq, normal qiymət siyasəti aparmaqdır, çünki bizim-vətəndaşın vergiləri ilə formalaşan büdcədən daim dəstək, dotasiya alırlar, amma, insafən AZAL və BUTA-nın inhisarçı qiymətlərini kənara qoysaq, sərnişinlərə münasibəti, xidmətin keyfiyyəti yüksəkdir. İzmirdən Bakıya 3 saata yaxın uçduq, içməyə normal su tapa bilmədik, nə isə, sanki “Pegasus” deyil, “Yezidus Airlines”dir..." - N.Cəfərli qeyd edib.
Poliqon.info
Digərxəbərlər
Populyar xəbərlər
