Türkiyə suriyalı qaçqınların Hələb əyalətinə qaytarılması ilə bağlı Rusiya və Suriya ilə danışıqlar aparır...
Poliqon xəbər verir ki, bu barədə Türkiyənin AHaber telekanalı məlumat yayıb. Kanal xəbər verir ki, bunun üçün miqrantları evlə, işlə təmin etmək istəyirlər...
Danışıqların məqsədi Hələbdə ictimai və ticarət həyatını “canlandırmaq”dır. Ankaranın fikrincə, təhlükəsiz zonaları “canlandırmaq” mümkün olarsa, o zaman Türkiyədə yaşayan yüz minlərlə suriyalı öz vətənlərinə qayıdacaq.
Telekanalın məlumatına görə, Türkiyənin nəzarətində olan ərazilərdə Qətərlə birlikdə evlər tikilir. Ankaraya görə görə, Suriya ilə həmsərhəd əyalətlərdə iş adamlarıi biznes sahələri açmaq istəyirlər.
AHaber bildirib ki, qeyri-qanuni miqrasiya ilə mübarizə planına Pakistan və Əfqanıstanla öz vətəndaşlarının Türkiyədən deportasiyası üçün əməkdaşlığın gücləndirilməsi də daxildir. Miqrantların deportasiya ediləcəyi ölkələr dəstək alacaq.
Qeyd edək ki, Suriyanın şimal-qərbində 2017-ci ildən deeskalasiya zonası fəaliyyət göstərir. 2020-ci ildən orada atəşkəs rejimi yaradılıb. Türkiyə 2017-ci ildən bəri Suriyanın şimalında üç hərbi əməliyyat keçirib. Ölkənin şimalına Türkiyəyə sadiq Suriya müxalifəti nəzarət edir.
Poliqon.info
Digərxəbərlər
Populyar xəbərlər
