"Neftçi" üç milyonluq futbolçunu pulsuz transfer edib

"Report" "Oxu.Az"a istinadən xəbər verir ki, bunadək ABŞ-də "Şarlott" klubunun şərəfini qorumuş 26 yaşlı futbolçu "ağ-qaralar"ın maraq dairəsinə düşməsi haqqında məlumat aldıqdan sonra MLS təmsilçisinə azad agent statusu almaq istəyini bildirib və buna nail olub.

Braziliyalı hücumçu "Neftçi"nin yeni baş məşqçisi Adrian Mutu ilə çalışmağa böyük həvəs göstərib. Forvard bu səbəbdən hətta Türkiyə Super Liqasından gələn təklifdən də imtina edib.

Qeyd edək ki, məşhur "Transfermarkt" saytı Şinyaşikinin transfer dəyərini üç milyon avro göstərib. Dəyəri olduqca yüksək olan futbolçunun heç bir vəsait ödənmədən - azad agent kimi komandaya cəlb olunmasını "Neftçi"nin transfer siyasətinin və klubun seleksiyaçılarının böyük uğuru kimi qiymətləndirmək mümkündür.

"Neftçi" Andre Şinyaşiki ilə 2 illik müqavilə imzalayıb.

Poliqon.info