İtaliyanın müxtəlif bölgələrində 47 dərəcəyə qədər güclü istidən tutmuş dağıdıcı yağışlara qədər ekstremal hava şəraiti müşahidə olunur...
Poliqon xəbər verir ki, bu barədə ANSA məlumat yayıb.
Çərşənbə axşamı İtaliyanın cənubunda yerləşən Siciliyada temperatur 47, Sardiniyada isə 46 dərəcəyə çatıb.
Səhiyyə Nazirliyi çərşənbə günü istilərlə mübarizədə insanların kömək və məsləhət alması üçün 1500 nömrəli qaynar xəttini aktivləşdirib.
Ümumilikdə, iyulun 19-da ölkədə bu yay baş verən üçüncü isti dalğası ilə əlaqədar “qırmızı həyəcan” elan edilmiş iri İtaliya şəhərlərinin sayı 20-dən 23-ə yüksəlib.
Ölkənin 27 ən böyük şəhərindən yalnız dördü, o cümlədən Milan və Genuyada qırmızı həyəcan siqnalı verilməyib. İstilər o qədər şiddətlidir ki, Səhiyyə Nazirliyi bunu təkcə kimi həssas qruplar üçün deyil, bütün əhali üçün təhlükə hesab edir.
İstilik dalğası İtaliyanın üzləşdiyi yeganə ekstremal hava problemi deyil. Çərşənbə axşamı Friuli-Venezia Giulianın Kadore bölgəsində güclü leysan bir meşə sahəsini məhv edib. Veneto, Friuli, Lombardiya və Trentino bölgələri mümkün güclü tufanlara görə "sarı xəbərdarlıq" elan edib.
Alimlər bildirirlər ki, istixana qazları emissiyalarının yaratdığı iqlim böhranı istilik dalğaları, quraqlıq, tufan və daşqınlar kimi ekstremal hava hadisələrini daha tez-tez və intensiv edir.
Barselona Qlobal Sağlamlıq İnstitutunun koordinasiya etdiyi və keçən həftə nəşr olunan araşdırma, İtaliyada keçən yay ölkədə yaşanan güclü istilər səbəbindən 18,000-dən çox insanın öldüyünü göstərir.
Poliqon.info
Digərxəbərlər
Populyar xəbərlər
