Zelenski Quterreşlə “taxıl müqaviləsi”ni müzakirə edib

Poliqon Ukrayna mətbuatına əsasən xəbər verir ki, söhbət zamanı Ukrayna prezidenti Rusiyanın iştirakını dayandırdığı” taxıl sazişi”ni qorumaq üçün “məsul dövlətlərlə” işləməyin zəruriliyini bəyan edib.

“Qara Dəniz Taxıl Təşəbbüsü qorunmalıdır. Biz cənab Quterreşlə Qara dəniz vasitəsilə ərzaq təhlükəsizliyini və ərzaq tədarükünü bərpa etmək üçün məsul dövlətlərlə birgə işləmək barədə razılığa gəldik”, deyə Zelenski Telegram kanalında baş tutan telefon söhbətindən sonra yazıb.

Qeyd edək ki, Rusiya, Ukrayna, Türkiyə və BMT arasında taxıl müqaviləsi 2022-ci ilin yayında bağlanıb. Bu saziş Ukrayna taxılının Qara dəniz vasitəsilə ixracını və Rusiya gübrələri və ərzaq məhsullarının tədarükü qarşısındakı maneələrin aradan qaldırılmasını nəzərdə tuturdu. Taxıl sövdələşməsi bu gün, iyulun 18-də Rusiyadan tələblərin yerinə yetirilməməsi səbəbindən başa çatıb. Bunun müqabilində Vladimir Zelenski Rusiyanın iştirakı olmadan taxıl sazişinin icrasını davam etdirməyi təklif edib.

Poliqon.info