İsveç polisi Stokholm və Helsinqborqda dini kitabların, o cümlədən Quranın yandırılmasına qarşı nümayişlər keçirilməsi üçün üç müraciət alıb...
Poliqon xəbər verir ki, bu barədə SVT telekanalı məlumat yayıb.
Kanal qeyd edib ki, 50 yaşlı qadın nümayişin "mümkün qədər tez" keçirilməsini istəyib. Onun sözlərinə görə, ötən həftə müsəlmanların müqəddəs kitabının yandırılması ilə bağlı aksiya ədalətsiz olduğundan yürüş təşkil etmək qərarına gəlib.
Başqa bir ərizədə isə polisdən İsrail səfirliyi qarşısında Tövrat və İncili yandırmaq üçün icazə istənilib. Ərizəçinin 30 yaşlı isveçli olduğu məlum olub.
Üçüncü ərizədə vətəndaşlar iyulun 12-də Helsinqborqun mərkəzində dini kitabların (hansı olduğu qeyd olunmur) yandırılmasına icazə verilməsini xahiş ediblər.
Skane əyalətinin şimal-qərb polis idarəsinin rəisi Mattias Siqfridsson qeyd edib ki, bütün bu aksiyalar hər hansı konkret dinə qarşı yönəlməyib, lakin ölkədə söz azadlığının həyata keçirilməsinin və onun ətrafında gedən müzakirələrin tərkib hissəsidir.
İyunun 28-də Stokholm polisi məscidin yanında Quranın yandırılması ilə nümayişin keçirilməsinə icazə verib. İsveçin baş naziri Ulf Kristersson qərarın "qanuni, lakin yersiz" olduğunu deyib.
Poliqon.info
Digərxəbərlər
Populyar xəbərlər
